Ehangu Parc Busnes Bwyd-Amaeth Canolbarth Cymru

 

Creu dyfodol gweithgynhyrchu bwyd yng Nghanolbarth Cymru

Ers tro, mae Canolbarth Cymru wedi bod yn gartref i fusnesau bwyd a diod uchelgeisiol. Mae’r gwaith ehangu newydd hwn i’r Parc Busnes Bwyd-Amaeth yn Llandysul yn fuddsoddiad mawr sydd wedi’i gynllunio i helpu’r busnesau hynny i dyfu, arloesi a ffynnu.

Drwy ddwyn ynghyd Ganolfan Arloesi Gweithgynhyrchu Bwyd (CAGB) newydd a chlwstwr o unedau gweithgynhyrchu safon bwyd modern, mae’r datblygiad yn creu safle unedig lle mae cynhyrchu, arloesi a chydweithio yn cyd-fyw ochr yn ochr.

Mae hyn yn fwy na dim ond adeiladau newydd. Mae’n ymrwymiad hirdymor i gryfhau economi gweithgynhyrchu bwyd Canolbarth Cymru.

 

Gweledigaeth ar gyfer Canolbarth Cymru

Mae ehangu’r Parc Busnes Bwyd-Amaeth yn ymateb yn uniongyrchol i’r galw cynyddol gan fusnesau bwyd a diod am ofod gweithgynhyrchu o ansawdd uchel sy’n gallu ehangu gyda’u hanghenion.

Drwy greu cyfleusterau pwrpasol a gosod arloesi wrth galon y safle, nod y prosiect yw:

  • Datgloi twf busnes a chynhyrchiant
  • Cryfhau’r gadwyn gyflenwi ranbarthol
  • Cefnogi datblygu cynnyrch newydd ar raddfa
  • Denu buddsoddiad i Ganolbarth Cymru
  • Helpu busnesau i dyfu heb orfod gadael y rhanbarth

Mae’r datblygiad hwn yn rhan o bortffolio Bargen Twf Canolbarth Cymru, gan gyfrannu at weledigaeth ranbarthol ehangach ar gyfer y sectorau amaeth, bwyd a diod ochr yn ochr â phrosiectau arloesi mawr eraill.

Unedau gweithgynhyrchu safon bwyd

Bydd pum uned weithgynhyrchu newydd, wedi’u cynllunio’n benodol ar gyfer cynhyrchu bwyd a diod, yn cael eu darparu gan Gyngor Sir Ceredigion.

Mae’r unedau hyn wedi’u hanelu at fusnesau sydd wedi tyfu y tu hwnt i ofod deori ac sydd angen lle i ehangu, gan gynnig:
  • Mwy o gapasiti cynhyrchu
  • Cyfleusterau masnachol o ansawdd uchel
  • Cynlluniau hyblyg i gefnogi twf
  • Safle proffesiynol sy’n adlewyrchu uchelgais hirdymor
Mae hyn yn rhoi’r opsiwn i fusnesau ehangu’n hyderus yng Nghanolbarth Cymru yn hytrach na symud i leoliad arall er mwyn tyfu.

 

Canolfan Arloesi Gweithgynhyrchu Bwyd (CAGB)

Wrth galon y safle bydd y Ganolfan Arloesi Gweithgynhyrchu Bwyd newydd.

Mae’r CAGB yn gyfleuster peilot o’r radd flaenaf a gynlluniwyd i gefnogi arloesi ar raddfa ddiwydiannol, gan alluogi busnesau i:
  • Ddatblygu a phrofi cynhyrchion newydd heb darfu ar gynhyrchiant craidd
  • Lleihau risg ac amser i’r farchnad
  • Gwella cynhyrchiant ac effeithlonrwydd
  • Cael mynediad at arbenigedd technegol a chyfleusterau yn lleol
Mae lleoli gweithgynhyrchu ac arloesi gyda’i gilydd yn fwriadol. Mae’n creu amgylchedd lle gall syniadau symud yn gyflymach o’r cysyniad i gynhyrchu masnachol.

 

 

Mae bod yn rhan o’r Parc Busnes Bwyd-Amaeth yn cynnig mwy na dim ond gofod.

Bydd busnesau ar y safle yn elwa o:

  • Fynediad uniongyrchol i gyfleusterau arloesi a pheilota

  • Cyfleoedd i gydweithio gyda busnesau bwyd cyfagos

  • Amgylchedd proffesiynol i groesawu prynwyr, buddsoddwyr a phartneriaid

  • Cysylltiadau cryf â’r ecosystem arloesi ranbarthol ehangach, gan gynnwys AberInnovation ym Mhrifysgol Aberystwyth

Prin yw’r lleoliadau sy’n cynnig y lefel hon o gapasiti gweithgynhyrchu ac arloesi integredig ar un safle.

 

Gall y datblygiad hwn fod yn gam nesaf addas os yw eich busnes bwyd neu ddiod:
  • Wedi tyfu y tu hwnt i ofod deori neu gyfleusterau bach
  • Yn cynyddu cynhyrchiant neu’n lansio cynnyrch newydd
  • Am integreiddio’n agosach â chymorth ymchwil a datblygu
  • Yn barod i ymrwymo i dwf hirdymor yng Nghanolbarth Cymru
Disgwylir i’r galw am ofod fod yn gryf ac anogir ymgysylltu’n gynnar.

 

Adeiladu ar hanes o lwyddo
Mae’r datblygiad yn adeiladu ar bron i dri degawd o gefnogaeth i’r sector bwyd trwy Ganolfan Bwyd Cymru yn Llandysul.
Ers 1996, mae Canolfan Bwyd Cymru wedi cefnogi busnesau bwyd a diod ar draws Canolbarth a De Orllewin Cymru gyda:
  • Arbenigedd technegol
  • Hyfforddiant
  • Cyfleusterau datblygu cynnyrch
Mae’r CAGB newydd yn cynrychioli cam nesaf y buddsoddiad hwn, gan gyflwyno gallu ar raddfa ddiwydiannol i gefnogi twf y sector yn y dyfodol.

 

Cymryd rhan
Os oes gennych ddiddordeb yn ehangu’r Parc Busnes Bwyd-Amaeth, gallwch:
  • Cofrestru eich diddordeb
  • Gofyn am wybodaeth bellach
  • Trafod sut y gall y cyfleusterau gefnogi twf eich busnes

I gofrestru eich diddordeb, anfonwch e-bost at gen@foodcentrewales.org.uk neu ffoniwch 01559 362230.